صور الشاعر على السيد مع ادباء الصعيد

الهروب الاكبر...صوتى

قصيدة جرافيتى

جرافيتى

بقلم:على السيد
21/9/2013
...........
وش مرسوم ع كل حيط
لكنه تايه عن القلوب
وحريه على طرف خيط
وايادى رافضة تبنى بالطوب
امل وحق وحب
وترصف للعلم الدروب

وشوش مرسومة ع الحيط

صرخة آلم
دمعة ندم
وايادى العار
اللى باعت الدار
وصورة شهيد
تاه حزنه فى الوريد
على ام البلاد
كان مستنى الرد
بس الرد مجاش
"يا ام البلاد بقلبى حداد
على وردك الدبلان
بكلى وداد
لزهرك الفواح
لكنى مت وصار
جسدى فى ترابك مع الرياح
توديه وتجيبه
من شمالك لجنوبك
ومن شرقك لغربك
وودمى على ارضك
جف وبينادى
كفايه زهدك

وشوش مرسومة ع الحيط

وعلى الحيط
يطير الغبار
يرسم دمار
ويرسم امل
ويرسم عيون العشق والهوى
واعلان عن طبيب ودوا
وفيلم سيما بينسى الهموم
وماتش كورة وصرخة مظلوم
وعيش وحرية وعدالة اجتماعية
وصورة انتخاب
وجارهم بيتباع الكيف
والكدبة والزيف
وميعاد بين حبيبين
التقوا وافترقوا
وفى هموم الحب والعشق اتحرقوا
والف حكاية ورواية
بتحكى عنك يا ام البلاد
والسعادة بتيجى فى النهاية
بس لحد دلوقتى مشوفتش سعادة
بس هاهديك كل ما فيا
مشوفتش فرح
بس يا غالية فداكى عنيا
ياما نفسى اشوفك احلى البلاد

وشوش مرسومة ع الحيط

لحظة عمار
ساعة انكسار
ووكسة وجهل ودمار
وصورة بتحكى عنك وعنى
عن ناس منك ومنى
وعن مجرمين محللة دمك ودمى
وتفوت الايام والساعات
وتضيع مع الوقت الأهات
ويجى بدل الأه الف أه و أه
ويتصاب الجدار
بالحصار
والعار
ونهج الدمار
وننسى الشهيد الى فارق الدار
وفى الاخر
الجدار ينهار